LIGJET E BIZNESIT
“News 24”, ka takuar banorët e zonës së “5 majit” që para disa ditësh IKMT ua prishi shtëpitë. Në një prononcim për gazetarin Erjon Skëndaj, banorët u shprehën të indinjuar dhe të braktisur. Ata thanë se kryeministri Edi Rama nuk i ka premtuar asgjë dhe se po bëhet vetëm show.
Ata kërkuan, që të ketë marrëveshje të firmosura dhe e gjitha të bëhet në mënyrë konkrete e transparente.
“Asgjë e papritur. Jemi mësuar me show. Kemi mësuar që premtimet politike s’kanë vlerë juridike. Vlera juridike është kur shkruhet e zeza në të bardhë. S’pamë kur kryeministri i ka rënë tavolinës me grusht dhe ka thënë që do të merrni shtëpi ku të dua unë. Ai i ka hënë vajzës sime mashtruese. Unë me këtë nuk shkoj dot në gjykatë për të bërë ankimim. Kam një akt-marrëveshje, si kjo i kanë dhënë edhe Lizës.
Ne kemi nxjerrë disa pika dhe i kemi cituar. Kemi shprehur dakordësinë për kalim vullnetar të pronësisë. Kjo kontratë nuk ka asgjë. Kemi parë kontratat që nënshkruhen.
Unë s’kam të drejt të kërkoj në gjykatë sepse thuhet që e kam dhuruar, nuk kam asnjë lloj të drejte. Thotë më pas që pala e dytë do të përfitojë objekte që do të ndërtohen në të ardhmen. Prapë në të ardhmen. Këtu janë shtëpia që janë blerë me kredi në bankë. Si do të veprohet? Nëse është në bankë kush e ka shtëpinë, kush i paguan lekët e objektit. Pala e dytë deklaron se përzgjedhja e objektit që do të përfitojë të bëhet referuar ligjit. Tani do i kthehemi asaj që është firmosur, e që e ka firmosur im vëlla, me prokurë. Vula është e Bashkisë së Tiranës. Por nuk kemi sqarime të shumta. Një përkthim ka 5 vula, ndërsa kjo s’ka vula”, u shpreh njëri prej banorëve.
Më datë 22 shkurt, është planifikuar një tjetër ofensivë e IKMT në këtë zonë. Banorët thanë se do të bëjnë rezistencë dhe do të mbrojnë pronat e tyre.
“Do të mundohemi të bëjmë rezistencë, siç kemi bërë më 1 nëntor, kur erdhi dhe policia. Më pas ka qenë dhe situata që është bërë me nënë Lizën. Unë emergjente do kërkoja këtë. Nuk është e nevojshme të përsëriten ato skena. Çdo firmë është hedhur ose me mashtrim, ose trysni. Kryeministri m’u duk shumë i nevrikosur. Nuk ka dhurim, nuk dhurojmë pronën, do mundohemi ta mbrojmë. Po të shohësh te minibashkia e bashkia.
Rama tha që po deshe merre, po nuk deshe rri jashtë. Ne duam diçka të drejtë, të saktë. Kjo kontratë që është nënshkruar nuk është e ligjshme. Këtu janë bërë shkelje që te VKM-ja. Të gjithë e dimë që projekti është bërë para shumë viteve. Ra tërmeti, Rama po bën banesa për ata banorë. Shtëpiat janë të bëra nga banorët. Ka raporte të mira mes banorëve.
Shteti shqiptar po shpronëson në mënyrë të gabuar. Të lexoj më urgjenten, atë akt-marrëveshje që del me vendim. Unë s’kam asnjë detyrim ndaj shtetit, të paktën për pronën. Ta vlerësojë e të mos bëjë show. Normalisht duhet bërë më serioze. Rama s’duhet të zvogëlohet, meqenëse ka dhe mandatin e tretë ka dhe arrogancën e ta shfrytëzojë këtë për mirë”, tha një tjetër banor.
Marrë nga Balkan Web
