Sipas Amy Cudy nga Shkolla e Biznesit të Harvardit, nuk ka vetëm një mënyrë të caktuar përmes së cilës e kuptoni nëse dikush po gënjen.
Sidoqoftë, një seri e veprimeve jo-verbale zbulojnë shumë nëse dikush është duke gënjyer apo jo.
Për të kuptuar nëse dikush po gënjen duhet marrë parasysh disa faktorë, siç është toni i zërit të personit në fjalë, veprimet e trupit, mënyra se si po qëndrojnë dhe shprehjet e fytyrës, transmeton Telegrafi.
Cuddy shpjegon se njerëzit kanë tendenca të përqendrohen më shumë në atë se çfarë po thonë njerëzit, në vend se të vëzhgojnë se çfarë po bëjnë fizikisht.
Njerëzit mund t’i rrisin mundësitë e të zbuluarit një gënjeshtar duke kërkuar për sjellje konflikutale. P.sh., nëse një person ka ton të lumtur të zërit, por gjuha e trupit të tyre nuk e shprehë këtë – kjo mund të thotë se diçka është gabim.
Zbulimet e Cuddy janë të ndërlidhura me një studim të Nancy Etcoff, e cila kishte zbulur se personat që janë të aftë në vëzhgimin e gjuhës së trupit janë më të mirë në zbulimin e në gënjeshtari sesa të tjerët.
