Presidenti Meta: Sikur e gjithë bota të më bëjë “non grata”, s’më intereson fare

Presidenti Ilir Meta i pyetur nëse do e kishte problem nëse do të shpallej “non grata” nga SHBA në përfundim të mandatit, tha se nuk i interesonte fare.

Ai u shpreh në emisionin “Të Paekspozuarit” se nuk e ka problem sepse do të jetojë dhe votohet në Shqipëri.

“Sikur e gjithë bota të më bëjë “non grata”, s’më intereson fare. Unë e kam raportin me popullin tim të shkëlqyer. Të më bëjë non grata mua zonja e Bilalit apo ky tjetri që bëri këtë gjë. Unë nuk e kam fare problem atë gjë. Unë do jetoj këtu, do votohem këtu.”, tha Meta.