Prej disa ditësh i mbetur në pus, vijon puna për të shpëtuar 5-vjeçarin që ra në pus

Prej pesë ditësh, Rayan në Marok ka mbetur i bllokuar në një pus. Ankthi duket se po arrin kulmin në Marok pasi operacioni i lirimit është tanimë në një fazë kritike dhe të gjithë po e shikojnë “duke mbajtur frymën”.

Referuar informacioneve të fundit, shpëtimtarët janë dy metra larg Rayan, thotë kështu  ekipi i shpëtimit maroken. Vlerësohet se do të duhen edhe 3 deri 4 orë gërmime për të arritur tek fëmija dhe për ta çliruar atë.

Ekipet e shpëtimit po punojnë në fshatin Igran në provincën veriore marokene të Chefchaouen për të arritur në vendin ku djali u bllokua në një pus të thellë 32 metra, ku u rrëzua mbrëmjen e së martës..

Ekipet e shpëtimit i kanë dërguar vogëlushit, ushqim, ujë dhe oksigjen për ta mbajtur gjallë këto 5 ditë.