Po iu prishen shtëpitë/ Banorët e “5 Majit” dhe dy zonave të tjera takim me presidentin Meta

Banorët e “5 Majit” në Tiranë, të cileve po u preken shtëpitë nga projekti për rindërtimin, kanë zhvilluar një takim me Presidentin Ilir Meta.

Sipas informacioneve në mbledhje janë të pranishëm edhe përfaqësues të dy zonave të tjera të kryeqytetit, ata të  Paskuqanit dhe Laprakës, të cilët kanë të njëjtën problematike.

Këto zona janë pjesë e projektit të bashkisë dhe qeverisë për rindërtimin, por banorët nga ana e tyre shprehen se nuk janë dakord me marrëveshjen e ofruar nga Bashkia për banesat që po shemben në kuadër të projektit të rindërtimit.

Presidenti Meta ka dalë në mbrojtje të kauzës së tyre. Ai herë pas herë kërkon që qeveria të diskutojë me ta, me qëllim zgjidhjen e problemit.

Nga e saj qeveria dhe bashkia thonë se të gjithë banorët e prekur janë dëmshpërblyer.

Banorët kanë dalë edhe në protesta, ku pak ditë më para para kryeministrisë ata paralajmëruan se do të futen në grevë urie dhe nuk do të tërhiqen deri në vetëflijim.