‘Plasin’ debatet mes ish-banorëve të BBV/ Fifi sëmuret dhe largohet nga xhirimet e spektaklit

Pas mbarimit të “Big Brother VIP Albania” do të ketë edhe tre puntata të tjera post “Big Brother VIP”.

Por duket se xhirimet nuk kanë shkuar dhe aq mirë sa pritej, pasi ka pasur shumë debat mes ish-konkurrentëve.

Mësohet se në studio ka plasur debate mes Fifit dhe Arjolës, Einxhelit, Semit e Arditit. Pas kësaj thuhet se Fifi ka vendosur të lërë spektalkin e të largohet menjëherë, ndonëse Arbana është shprehur pas publicitetit se këngëtarja u largua pasi nuk ka qenë në gjendje të mirë shëndetësore.

Por nuk ka mbaruar me kaq, pasi gjithashtu thuhet se një debat tjetër ka nisur mes Antonelës dhe Big Mamës, ku kjo e fundit është larguar nga spektakli. Ky post “Big Brother VIP” duket se nuk ka nisur aspak mirë.

Ndërkohë edhe aktori Donald Veshaj e këngëtarja Beatrix Ramosaj, nuk do të jenë pjesë e emisionit. Vëllezërit Veshaj janë përplasur me produksionin e Top Channel, pas shpalljes së Ilir Shaqirit si fitues.

Si rrjedhojë Donaldi ka fshirë nga Instagrami emisionin që iu bë dhuratë nga produksioni, i titulluar “Më Lër të Flas”.