“Penguan procesin gjyqësor” Armand Duka merr një tjetër goditje, zbardhet vendimi i Gjykatës së Tiranës

Gjykata e Tiranës duket se nuk është mjaftuar vetëm me pezullimin e zgjedhjeve të FSHF në të gjithë Shqipërinë.

Mësohet se institucioni i lartë i drejtësisë ka dënuar presidentin Armand Duka me gjobë, për akuzën e pengimit të procesit gjyqësor.

Në vendimin e saj, Gjykata ka dënuar me 700 000 lekë gjobë FSHF dhe drejtuesit e saj për pengimin e gjykimit lidhur me procesin e hapur për manipulimet me shoqatat rajonale me qëllim paracaktimin e rezultatit të zgjedhjeve të 2 marsit duke favorizuar Dukën.

Kjo është humbja e tretë e Armand Dukës në përballjen me drejtësinë shqiptare. Më herët Gjykata do t’i jepte të drejtë kryebashkiakut Veliaj për zgjedhjet në Shoqatën Rajonale të Tiranës duke rrëzuar Dukën. Ndërsa sot, Gjykata e Tiranës vendosi që të pranojë kërkesën për pezullim të zgjedhjeve për FSHF në të gjithë vendin, gjer në shqyrtimin e plotë të dosjes voluminoze për trupimin e rezultatit nga ana e FSHF me qëllim rizgjedhjen e Dukës dhe për një mandat të 6-të.