Parashikimi i motit për ditën e sotme, e mërkurë 16 shkurt 2022

Dita e sotme do të ndikohet nga masa ajrore të paqëndrueshme.

Mbi territorin e Shqipërisë pritet kalimi i një sistemi frontal i cili do të sjelli mot të vranët dhe reshje shiu në të gjithë vendin.

Reshjet pritet të jenë me intensitet mesatar dhe në jugperëndim me intensitet deri të lartë. Hera-herës reshjet do të jenë në formën e shtrëngatave shoqëruar me shkarkesa elektrike.

Në lartësin mbi 500 metra në verilindje dhe në lartësin mbi 800 metra në lindje dhe jug priten reshje bore me intensitet deri mesatar.

Era do të jetë nga kuadrati i jugut me shpejtësi mesatare 1-7m/sek, e cila  përgjatë vijës brgdetare dhe në momentin e zhvillimit të vranësirave do të fitojë shpejtësi deri në 12m/sek. Valëzimi në dete i forcës 2-3 ballë.

Temperaturat parashikohen: zonat malore 1°C deri në 11°C, zonat e ulëta 4°C deri në 13°C dhe zonat bregdetare 9°C deri në 13°C.