Parashikimi i motit për ditën e sotme, e enjte 3 shhkurt 2022

Dita e enjte e 3 shkurtit parashikohet të ketë kushte të qëndrueshme atmosferike, ndikuar nga masa ajrore të thata me origjinë perëndimore.

Moti parashikohet i kthjellët në pjesën më të madhe të territorit, përjashtuar vranësirat kalimtare në orët e mëngjesit si dhe në relievet malore përgjatë ditës.

Era do të fryjë me drejtim verilindje – veri, intensive dhe me shpejtësi mesatare 3-8m/s. Përgjatë vijës bregdetare dhe zonave luginore do të ketë erë tepër intensive dhe të fortë, me shpejtësi që arrinë deri në 15-20m/s.

Temperaturat parashikohen: në zona malore -6 deri 6°C, në zonat e ulëta  -3 deri 10°C dhe në zona bregdetare 2 deri 11° C.