Një ngjarje e rëndë ndodhi sot paradite në fshatin Sheq i Madh në Fier.
Bëhet fjalë për një grua 50-vjeçare, e cila është gjetur e pajetë në banesë nga bashkëshorti.
Fillimisht e gjithë skena u raportia si vetëvrasje, por mënyra se si viktima kishte marrë plagët vdekjeprurëse nga goditja me një thikë, sillte dyshime se nuk mund ta kishte kryer vetë aktin fatal.
Burime nga policia bëjnë me dije se në fakt viktima Valdete Manaj është qëlluar 6 herë me thikë në gjoks, nga bashkëshorti i saj Petrit Manaj.
Mësohet se çifti prej kohësh ka pasur probleme, ndërsa dyshohet se autori kur ka kryer krimin ka qenë në gjendje të dehur.
Çifti ka dhe një djalë, i cili pikërisht dje është nisur për në Gjermani ku ndodhet edhe vajza e tyre ndërsa më pas ka ndodhur edhe krimi.
Po ashtu mësohet se një nga vëllezërit e autorit ka vrarë veten para 13 vjetësh.
Ndërkohë Petrit Manaj është arrestuar nga policia, duke e pranuar dhe krimin makabër.
