“Nuk mund ta kishte ndryshe” Aktori Florian Binaj tregon pse zgjodhi emrin Vjosa për vajzën e tij

Aktori i spektaklit të humorit “Portokalli” Florian Binaj, është bërë baba për herë të tretë më 20 janar.

Emri që ai zgjodhi për vogëlushen e tij ishte Vjosa.

Artisti, i cili ka lobuar shumë për shpalljen e Vjosës në Park Kombëtar, tha se morën vesh shtatzëninë e bashkëshortes kur po lundronin së bashku pikërisht në këtë lumë.

Ai tha se nuk kishin si t’i vendosnin emër tjetër vajzës, ndërsa shtoi se është i pakënaqur me shpalljen e lumit Vjosa si Park Natyror.

“Vjosa është mirë. Jam shumë i lumtur si baba i tre fëmijëve. Emri i Vjosës erdhi shumë natyrshëm, jo vetëm për mbrojtjen që i kemi bërë Vjosës, por edhe për faktin që kur morëm vesh që nusja ishte shtatzënë po lundronim mbi Vjosë. Nuk mund ta kishte ndryshe emrin. Vjosa u shpall park natyror dhe jam i pakënaqur sepse nuk e meriton këtë status, lë vend për të ndërtuar hotele, nuk e mbron. S’do reshtim luftën për ta shpallur park kombëtar”, tha aktori.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern