LIGJET E BIZNESIT
Ka ardhur reagimi i Policisë së Shtetit pas publikimit të lajmit për një raport që policia i ka dërguar ambasadës së SHBA në Tiranë, për krimet e supozuara të kryera nga anëtarët e komunitetit të muxhahedinëve në Shqipëri.
Uniformat blu nëpërmjet një deklarate mohojnë ekzistencën e një raporti të tillë dhe thotë se ky lajm është hedhur qëllimisht në media për të përhapur dezinformim.
REAGIMI I POLICISE SE SHTETIT
Lidhur me lajmin e publikuar në disa media, mbi një raport të Policisë së Shtetit, dërguar ambasadës së Shteteve të Bashkuara të Amerikës në Tiranë, që aludon për përfshirjen e komunitetit të muxhahedinëve të strehuar në Shqipëri, në trafikun e klandestinëve dhe të drogës, informojmë se:
Policia e Shtetit nuk i ka dërguar asnjë raport të tillë apo ndonjë tjetër të ngjashëm ambasadës së SHBA-së në Tiranë, në të cilin flitet për implikimin e grupit MEK në trafikun e klandestinëve apo të droges
Policia e Shtetit sqaron se nga verifikimet e kryera rezulton që ky material është hedhur në qarkullim me qëllim dezinformimin e komunitetit.
Duke vlerësuar rolin e medias në informimin e publikut dhe rritjen e transparencës, kërkojmë që në interes të mirinformimit dhe për të shmangur lajme që çojnë në dezinformim, të kontaktohet zyrtarisht Policia e Shtetit, para publikimit.
