“Nuk është pjesë e Sanremos” Kryetari i Këshillit të Medias nxjerr ‘zbuluar’ Antonela Berishën

“Lajmi se ish-konkurentja e “Përputhen” Antonela Berisha do të jetë pjesë e festivalit të madh në Itali ‘Sanremo’ është një mashtrim”.

Kështu ka deklaruar kryetari i Këshillit të Medias Koloreto Cukali në një prononcim për Top Albania Radio.

Ai tha se nuk ekziston aspak një fakt i tillë.

Cikas Cukalit, ka qenë vetëm një media italine që e ka postuar dhe më pas lajmi është fshirë.

Ai shtoi se, si një person që e ndjek vazhdimisht Sanremon, ka kërkuar për pjesëmarrjen e Antonela Berishës dhe nuk i ka rezultuar asgjë e tillë. Sipas tij ekzistonte vetëm një screenshot, nga një portal italian, por që sot nuk është.

Cukali tha:

“Unë atë portalin nuk e gjej më. Ka portale që paguan. Kjo puna e Sanremos është thjesht në kokën e zonjushës, Antonela Berisha. Sanremo është një qytezë, që edha ai që shet byreqe, thotë jam në Sanremo. Mirëpo, pjesëmarrja në qytet nuk të bën pjesë të një spektakli.”