“Nuk është e vërtetë” Padia për falsifikim dokumentesh, Kuvendi i përgjigjet Metës

Pas padisë në SPAK të Presidentit Ilir Meta me akuzën e falsifikimit të dokumentave, ka reaguar për herë të parë Institucioni i Kuvendit të Shqipërisë.

Në njoftim sqarohet opinion publik se pretendimet e Metës janë të pavërteta, ndërsa nënvizon se Kuvendi ka depozituar pranë Gjykatës Kushtetuese dokumentacionin zyrtar ligjor që lidhet me çështjen në shqyrtim.

Njoftim për media nga Kuvendi i Shqipërisë:
“Në respekt të pavarësisë së institucioneve kushtetuese, duke qenë se Gjykata Kushtetuese është tërhequr për të marrë vendim, Kuvendi respekton heshtjen dhe nuk bën komente për rastin në fjalë.
Përsa i takon pretendimeve të Presidentit të Republikës për manipulim ose për fallsifikim, me përgjegjësi të plotë sqarojmë se këto pretendime nuk qëndrojnë.
Kuvendi i Shqipërisë, në datën 4 shkurt 2022, ka depozituar pranë Gjykatës Kushtetuese dokumentacionin zyrtar ligjor që lidhet me çështjen në shqyrtim”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern