“Nuk e mbron dot më Skënderbucin tënd” Berisha kërkon Ramën në Kuvend, Spiropali i përgjigjet ‘flakë për flakë’

Një përplasje e ashpër ka ndodhur sot në Kuvend mes ministres Elisa Spiropali dhe ish-kryeministrit Sali Berisha.

Ky i fundit deklaroi se kreu i qeverisië Edi Rama, të cilin e etiketon si kreu i Meduzës, duhet të ishte sot në sallë.

“Kreu i Meduzës, nuk ndodhet këtu sepse Don Agaci me gjeneral Lisin ishin si mishi me thoin dhe kur i vura epitetin ‘dhurat madhi’ kisha parasysh aferën si e lumturoi gjeneralin Don Agacaio. Antimafia italiane hap pas hapi po ecën me vendosmëri drejt kreut te Meduzës, dhe ai nuk mund të ishte sot këtu në sallë, se e dinte.

Dhe nuk e mbron dot as t’i Skëndërbucin tënd tani . Antimafia është në veprim. Sa i përket, problemit të Skavicës ti je fajtori numër një bashkë me Ramën, i të gjitha tokave pjellore të Dibrës, por kurrë nuk do e bëni dot, ai projekt është denatyralizimi i dibrës. jam pro investimeve amerikane. dhe asnjëherë s jam kundër tyre.” tha Berisha.

Në replikë ministrja Spiropali e konsideroi ish kryeministrin si përgojuesin më të madh të trevave shqiptare.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Je përgojuesi më i madh i këtyre trevave. Nuk ke lënë burrë, grua, fëmijë, të vjetër e të ri pa marrë nëpër gojë këtu, apo në çdo foltore që të ka dalë përballë. Dhe po duket që po e mbyll ashtu si të takon, pa nder, pa lavdi, vetëm me pahir.” -tha Spiropali.