“Ngushëllime familjarëve” Gledis Nano ndan lajmin e keq: Figurë e rëndësishme në rrugëtimin e policisë

Kreu i Policisë së Shtetit Gledis Nano i ka dërguar një mesazh ngushëllimi familjes së Kasëm Kaco Kacit.

Ai ka mbajtur postin e ish-drejtorit të Përgjithshëm të Policisë.

Me anë të këtij mesazhi, Nano i shpreh ngushëllimet më të sinqerta familjarëve për ndarjen nga jeta të të afërmit të tyre, ndërsa shkruan se Kasëm Kaco Kaci, ishte një figurë e rëndësishme në rrugëtimin 109-vjeçar të Policisë së Shtetit, dhe i cilësua si më jetë gjati në detyrë.

Kasëm Kaco Kaci drejtoi për 15 vite Policinë e Shtetit, në dy periudha të ndryshme kohore, respektivisht Shkurt 1968-Janar 1980 dhe Gusht 1982 – dhjetor 1984.

“Emri i tij do të kujtohet nga gjeneratat e ardhshme si një luftëtar dhe veteran i Luftës Antifashiste Nacionalçlirimtare, por edhe si ish Drejtor i Përgjithshëm i Policisë Shqiptare në radhët e së cilës punoi për 40 vite”- thuhet në mesazhin ngushëllues të Drejtorit të Përgjithshëm të Policisë së Shtetit.

Dokumenta bashkëngjitur