Ndodh te Ministria e Drejtësisë në Tiranë, forca të shumta policie mblidhen rreth godinës

Prani e madhe policore është vërejtur gjatë pasdites së kësaj të hëne pranë godinës së Ministrisë së Drejtësisë në Tiranë, në pjesën e Bulevardit “Zogu i Parë”.

Sipas informacioneve të para, policia ka pasur dyshime se aty ishte hedhur një armë e një ngjarjeje kriminale, saktësisht një vrasje.

Për shkak të sekretit hetimor ende nuk bëhet me dije se për cilën ngjarje i referohet konkretisht kontrolli, por në vendngjarje ka pasur prezencë të madhe të hetuesve të drejtorisë së policisë së Tiranës, konkretisht seksioni kundër krimeve ndaj jetës dhe personit.

Kontrollet janë përqëndruar në një bllok betoni.