LIGJET E BIZNESIT
Pengesë e papritur për Milanin në luftën për titullin kampion. Kryesuesit e Serisë A janë ndalur sot në barazim 2-2 në fushën e Salernitanës, skuadrës që mban vendin e fundit në renditje dhe kështu kuqezinjtë mund të humbasin që këtë fundjavë vendin e parë.
Skuadra e Piolit mendohej se do të kishte më të lehtë sot për t’u shkëputur pak nga ndjekësit dhe për t’i vënë në trysni. Por pavarësisht një goli të shpejtë me Mesias, kuqezinjtë nuk u dukën në ritmin e duhur dhe e mbyllën pjesën e parë me barazim, pasi Bonacoli shënoi me një roveshatë të shkëlqyer pas daljes së gabuar të Menja.
Pjesa e dytë foli më shumë për Milanin por vendasit me kundërzbritje të rrezikshme tentuan disa herë portën dhe gjetën edhe avantazhin me Djuriç. Megjithatë, entuziazmi i Salernitanës zgjati pak minuta, pasi Rebiç me një gjuajtje nga jashtë zonës barazoi shifrat.
Rezultati 2-2 do të rezistonte deri në fund e kështu, Milani la pikë me skuadrën e fundit në klasifikim, duke qenë tashmë vetëm 2 pikë para Interit që ka dy ndeshje më pak të luajtura dhe 3 ndaj Napolit që ka luajtur një ndeshje më pak.bw
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
