“Më rrezikohet jeta” Çfarë pa nga kamerat? Ish-oficeri i RENEA kërkon ndihmën e policisë

Gazetarja Anila Hoxha ka treguar se një ish-oficer i repartit RENEA ka denoncuar se i rrezikohet jeta duke kërkuar mbrojtje.

Mësohet se B.T, i moshës 44 vjeç ka treguar se si nga këqyrja e kamerave të sigurisë dalloi një person që po e ndjek. Por më tepër se sa karriera 16-vjeçare ne polici, ish specialisti dyshon se kërcënimi mund të ketë lidhje me një hetim për vrasjen e Kastriot Reçit, i cili u ekzekutua me snajper në janar 2020 në Rrëshen.

Pikërisht pas vrasjes mafioze të biznesmenit Reçi që ende nuk ka autorë, denoncuesi pohon se ka qenë i shoqëruar në drejtorinë vendore të Tiranës për t’ju nënshtruar me vullnetin e tij ekspertizës së ADN.

“Mbas ADN së përftuar prej meje u konfirmua se ajo nuk përputhej me ADN e gjetur në vendngjarje dhe për këtë shkak u përjashtova nga hetimi dhe nuk jam më i dyshuar për ketë ngjarje”- thotë ish oficeri para prokurorit të çështjes.

Në të vërtetë siç është raportuar gjatë asaj kohe për shkak të dyshimeve se snajperisti që vrau Kastriot Reçin mund të jetë një profesionist i armëve të këtij kalibri, nuk u përjashtuan as oficerë dhe ish oficerë të RENEA-s që iu nënshtruan ekspertizave. Ndaj mes këtyre emrave të hetuar ka qenë edhe ish speciali nga Puka, i cili i ka radhitur pistat se ku dyshon duke përmendur edhe atentatin kundër Reçit . Ai e përshkruan autorin që i kontrolloi makinën në garazh , të maskuar me një kapelë të zezë dhe që u shmangej kamerave duke mbajtur një çadër .

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Për këtë arsye ish polici thotë se pas këtij momenti që ka zbuluar me metodat që i kanë mbetur nga policimi, ai asnjëherë nuk i hipën makinës pa e kontrolluar.

‘Arsyeja pse po bëj kallëzim’, shton ish speciali ‘është se e kuptoj si një sinjal indirekt dhe të rrezikshëm për familjen’.

Burimet zyrtare pranë RENEA i thanë TCH se efektivi doli nga policia me dëshirën e tij dhjetorin e 2017.

Ndërsa për ngjarjen e Rrëshenit emri i ish policit nuk është më në rrethin e të dyshuarve mbas krahasimit të ADN, bëhet me dije se me shumë mundësi kjo gjë ka lidhje me aksionet ku ai ka marrë pjesë gjatë karrierës.