Presidenti i Republikës Ilir Meta ka publikuar një video në rrjetet sociale nga një intervistë e tij e para disa ditëve, ku shprehej se kurrë nuk do t’í tradhtonte përkrahësit e tij dhe shqiptarët.
Gjithashtu, Presidenti shprehet se më mirë të jesh i tradhtuar sesa tradhtar, pasi këtë të fundit e përdor kushdo, por asnjë nuk e do.
“Kurrë nuk do t’i tradhtoj përkrahësit e mi dhe shqiptarët. Më mirë të jesh i tradhtuar, se sa të jesh tradhtar. Tradhtarin kushdo mund ta përdorë, por askush nuk e do”, shkruan Meta.
Nuk dihet ende se kujt ia drejton këto fjalë Meta, por disa herë në intervistat e tij është shprehur se është ndjerë i tradhtuar nga opozita, duke akuzuar kryedemokratin Lulzim Basha.
