Mbledhja/ Kush pritet të dëshmojë sot në Komisionin Hetimor për Inceneratorët

Komisioni Hetimor Parlamentar për inceneratorët u mblodh sërish sot në orën 10:30, teksa priten diskutime të forta dhe dëshmi të zyrtarëve të lartë.

Mësohet se si fillim është thirrur për të dëshmuar administratorja e Inceneratorit të Tiranës Ariola Kodra.

Përmendim se zonja Kodra nuk është paraqitur në tre thirrje të Komisionit. Sipas drejtuesve të komisionit, ligji parashikon shoqërim me forcë nga Policia e Shtetit të personave që refuzojnë dëshminë në Komisionin Hetimor.

Në orën 13:00 janë thirrur të dëshmojnë:
1. Emiriana Sako – Kryetare e Bashkisë Durrës.
2. Shkëlqim Cani – Ish-Ministër i Financave.
3. Belinda Balluku – Ministre e Infrastrukturës dhe Transportit.
4. Armando Subashi – Kryetar i Bashkisë Fier.
5. Arben Ahmetaj – Zv. Kryeministër dhe ministër i Shtetit për Rindërtimin dhe Programin e Reformave.