Me 118 vota pro, asnjë kundër dhe 4 abstenim u miratua zgjatja e mandatit për organet e Vettingut në Kuvend.
LSI kishte deklaruar se do të abstenonte, por njëri prej deputetëve ka vendosur që të votojë PRO, ai është Agron Çela.
Në një prononcim për mediat pas votimit, Kryemadhi deklaroi se nuk kishte asnjë problem vota e Çelës, pasi edhe Partia Demokratike e ndryshoi qëndrimin e saj brenda një ore.
Përveç Monika Kryemadhit, Petrit Vasilit dhe Erisa Xhixhos nga LSI, abstenoi edhe deputetja demokrate Emilia Koliqi.
