“Ky është fillimi i një pushtimi të Ukrainës”/ Biden konferencë, paralajmëron sanksione të rënda për Rusinë

Presidenti Joe Biden foli mbremjen e sotme për situatën e Rusisë dhe Ukrainës, duke i  përshkruar ngjarjet si “fillimi i një pushtimi rus të Ukrainës”, ndërsa ai zbuloi sanksione të reja të ashpra për të ndëshkuar Moskën.

“Unë do të filloj të vendos sanksione si përgjigje, shumë përtej hapave që ne dhe aleatët dhe partnerët tanë zbatuam në 2014. Dhe nëse Rusia shkon më tej me këtë pushtim, ne jemi të përgatitur të shkojmë më tej si me sanksionet,” tha Biden.

Përshkrimi i Biden-it për një pushtim rus në Ukrainë rrit menjëherë rrezikun për përgjigjen e tij.

Ai dhe zyrtarë të tjerë të lartë janë zotuar të imponojnë pasoja të rënda ekonomike nëse trupat ruse kalojnë në Ukrainë, duke përfshirë anëtarët e rrethit të brendshëm të Putinit dhe institucionet financiare ruse.

“Kam autorizuar ushtrinë amerikane që të forcojë pozitat në Letoni dhe Lituani. Vladimir Putin ka rrethuar Ukrainën me 150 mijë trupa. Dje njohu si republika dy rajone separatiste dhe tani ka dhënë leje për të futur ushtrinë në Ukrainë duke shkelur sovranitetin e një shteti. Kjo është shkelje flagrante e ligjeve ndërkombëtare dhe duhet të marrë një përgjigje të prerë nga komuniteti ndërkombëtar. Unë e kam takuar Putinin para pak kohësh dhe i thash përballë se ne do të veprojmë nëse ata nisin luftën ndaj Ukrainës. Sot shpallim sanksionet e para ndaj Rusisë”, tha Biden.

Biden tha se janë vendosur sanksione ndaj dy bankave ruse si edhe ndaj disa familjeve të pasura në Rusi, të njohura për afrimitetin me regjimin e Putin. Joe Biden deklaroi se fjalimet e Putin, tregojnë se Rusia s’ka interes të ndjekë dialogun e vërtetë për sigurinë europiane.

“Kërcënoi territorin e mbajtur më herët nga Rusia. Putin sulmoi të drejtën e Ukrainës për të ekzistuar.”-tha Biden.