Kontrolle në burgun e Rrogozhinës dhe Reçit/ Sekuestrohen celularë, radio, televizorë e mjete prerëse

Drejtoria e Përgjithshme e Burgjeve ka kryer kontrolle të befasishme në IEVP Rrogozhinë dhe Reç.

Gjatë këtyre konstrolleve policia ka ka konstatuar pajisje elektronike si televizorë, aparatura digitalbi, pajisje komunikimi Android e modifikuar në një kuti kartoni, e cila e lidhur me televizorin mund të realizojë nderveprim në rrjetet sociale.

DPB kontroll në IEVP Rrogozhinë dhe Reç

Drejtoria e Përgjithshme e Burgjeve me tetë grupe të forcave të saj operacionale, ka kryer kontrolle të befasishme në IEVP Rrogozhinë dhe Reç përgjatë fashës orare 17-20.55 të ditës së dielë. Në IEVP Rrogozhinë janë kontrolluar 8 dhoma ku janë konstauar pajisje elektronike si televizorë, aparatura digitalbi, të cilat i kishin të cënuar elementët e sigurisë “vulat”. Një orë dore e gjetur nga grupet e kontrollit, dyshohet se përdorej si pajisje komunikimi.

Ndërkohë në IEVP Reç është gjetur një pajisje komunikimi Android e modifikuar në një kuti kartoni, e cila e lidhur me televizorin mund të realizojë nderveprim në rrjetet sociale. Po ashtu gjatë kontrollit u gjetën edhe një thikë e improvizuar, një radio dore e modifikuar me dalje USB dhe Antenë etj. Materialet u janë kaluar ekspertëve të SHKB-së së burgjeve.