“Kisha shpresë”/ Tahiri në burg, socialisti: Do të pres, sprovat të bëjnë më të fortë!

Pasi u shpall fajtor për shpërdorim detyre dhe lidhje me grupin kriminal të Habilajve duke u dënuar me 3.4 vite burg, ish-kryebashkiaku i Vlorës Shpëtim Gjika u solidarizua me ish-ministrin e Brendshëm Saimir Tahiri.

Në një mesazh në Facebook, Gjika shkruan se priste që Tahiri të shpallej i pafajshëm dhe ta takonte nga pranë.

Postimi i Shpëtim Gjikës:

I dashur Saimir!

Edhe pse sot,duke e njohur mirë karakterin tënd në ditë dhe kohë të vështira, kisha shpresë dhe besim se e drejta jote do triumfonte, prisja të të takoja dhe të të përqafoja nga afër, unë prapë do të të pres vëlla!
Ti je i fortë!
Sprovat të bëjnë edhe më të fortë!
Kurajo dhe durim miku im i shtrenjtë!