“Kam qenë edhe vetë ministër i Brendshëm” Lulzim Basha ultimatum Gledis Nanos: Ke afat deri të hënën

Kryetari i Partisë Demokratike Lulzim Basha i ka dhënë një ultimatum kreut të Policisë së Shtetit, Gledis Nano.

Ai i bën thirrje që ti japë Komisionit Hetimor për Inceneratorët informacion lidhur me të dhënat e sistemit TIMS.

Tabaku: Nuk kemi arritur të marrim dot të dhënat e TIMS dhe llogaritë bankare. Llogaritë bankare janë zbrazur, por shpresoj që deri ditën e hënë t’i marrim.

Basha: I bëj thirrje Gledis Nanos, Policia e Shtetit nuk mund të mohojë informacionin e lëvizjes së personave, për të cilët është bërë kërkesa. Ja bëj këtë kërkesë, nga informacionet e ardhura nga PD, se ndalimi i raportimit të të dhënave të sistemit TIMS nuk është bërë me urdhër të Nanos, por me urdhër politik nga lart.

Nuk ka lart, kur vjen puna te zbatimi i ligjit. Ndaj, z. Gledis Nano i bëj thirrje që brenda ditës së hënë, se si ministër i Brendshëm, që kam kontribuar në instalimin e sistemit TIMS, e di sa e lehtë është t’i kthehet përgjigje komisionit hetimor nëse këta persona kanë udhëtuar së bashku dhe sa herë. I kujtoj Nanos se mosbashkëpunimi i Policisë së Shtetit me komisionin përbën jo vetëm vepër penale.