Kryetarja e LSI Monika Kryemadhi është rikthyer të flasë për marrëdhënien mes forcës politike që ajo përfaqëson dhe Partisë Demokratike me në krye liderin Lulzim Basha.
Ajo ka zbuluar për herë të parë se Gazment Bardhi i kishte kërkuar Voltana Ademit që mos e dërgonte çështjen në Gjykatën Kushtetuese.
“Mjafton të pyesni zonjën Voltana Ademi që çfarë ka thënë Gaz Bardhi për çështjen në Gjykatën Kushtetuese, sesi i ka thënë mos shko, mos e ço. Që nga marrëveshja 5 qershorit që nuk ka dashur ta firmosë. Por nuk është normale që unë të nxjerr mesazhet dhe komunikimet që kemi me partnerët tanë. Po të paktën këtu kam dëshmitar Oerd Bylykbashin dhe Petrit Vasilin”, tha Kryemadhi për News24.
