“Ka ende kohë që të…” Konflikti në Ukrainë, Boris Johnson lëshon paralajmërimin për Putin

Kryeministri britanik Boris Johnson i ka kërkuar presidentit rus Vladimir Putin që të tërhiqet nga buza e greminës për krizën në Ukrainë.

Ai shtoi se ka ende kohë për të marrë një vendim të tillë.

“Ne jemi në buzë të një gremine, por ka ende kohë që presidenti Putin të tërhiqet. Ne po u bëjmë thirrje të gjithëve që të angazhohen në dialog dhe që qeveria ruse të shmangë atë që do të ishte një gabim katastrofik për Rusinë”, shkroi Johnson në Twitter.