LIGJET E BIZNESIT
Ish-Presidenti i Ukrainës, Petro Poroshenko, ka apeluar ndërkombëtarët që të mos i besojnë informacioneve që Putin dhe zyra e tij po transmetojnë lidhur me negociatat me Ukrainën.
“Dua të pyes të gjithë shikuesit e CNN, të gjithë njerëzit e botës, me një kërkesë shumë të thjeshtë: Ju lutem mos i besoni Putinit. Mos i besoni Putinit. Dhe dy, mos kini frikë nga Putini”, tha Poroshenko nga Kievi.
Kremlini doli me një deklaratë sot ku tha se Putin kishte urdhëruar të ndalej avancimi i ushtrisë ruse në Ukrainë në pritje të negociatave, mirëpo operacionet rifilluan pasi qeveria në Kiev dyshohet se refuzoi bisedimet.
Poroshenko u pyet për refuzimin e presidentit ukrainas Volodymyr Zelensky për të pranuar një ofertë nga Shtetet e Bashkuara për evakuim nga kryeqyteti Kiev. “Unë mendoj se tani është një moment vendimtar për kombin tim. Dhe çdo person merr një vendim për veten e tij,” tha Poroshenko për vendimin e presidentit aktual.
Poroshenko u shpreh gjithashtu se është i gatshëm të vdesë nëse është e nevojshme dhe është krenar për popullin dhe vendin e tij.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Nëse jam gati, për fat të keq, po. Unë e urrej idenë për të qenë vendi im i pushtuar dhe mendoj se ne duhet të bëjmë më të mirën për të mbrojtur kombin, për të mbrojtur kombin kundër agresorit rus, padyshim të sjellë rrezikun … Të gjithë këtu, – tha ai, duke treguar trupat mbrojtëse pas tij, – të gjithë të rinjtë dhe të moshuarit e kuptojnë plotësisht se ne e kemi këtë rrezik.
