LIGJET E BIZNESIT
Kryeministri Edi Rama do të jetë në orën 12:00 i pranishëm në Komisionin Hetimor për Inceneratorët për të dëshmuar lidhur me aferën e inceneratorëve.
Këtë e ka konfirmuar vetë ai, por edhe një ditë më parë, teksa u shpreh se mezi pret të shkojë në komision për të dëshmuar para deputetëve të PS e PD.
“SOT NË 12:00 DO TË DËSHMOJ PARA KOMISIONIT HETIMOR PARLAMENTAR – LIVE FB
Mezi po pres?”, shkruan Rama.
“Me atë komisionin të paktën u krijua një mundësi për ata që duan të dëgjojnë dhe jo të shikojnë. E vërteta është diçka krejt tjetër, pasi s’po flas më gjatë për këtë se mezi pres që të shkojë nesër. Po s’patet ndonjë gjë më të mirë për nesër, më ndiqni!”, tha Rama mbrëmjen e kaluar.
Përmendim se deri më tani në Komisionin Hetimor për Inceneratorët kanë dëshmuar shumë politikanë të PS, si Belinda Balluku, Ëngjëll Agaçi, Damian Gjiknuri, Erion Veliaj, Armando Subashi, Alqi Bllako, Arben Ahmetaj, Shkëlqim Cani.
