LIGJET E BIZNESIT
Roxhers Demirazi, i riu shqiptar i dyshuar për vrasjen e tifozit Alkis Kambanos në Selanik, iu dorëzua autoriteteve policore greke, pasi një ditë më parë u vetëdorëzua në Policinë e Korçës.
Lajmin e ka bërë me dije vetë avokati grek. 20-vjeçari ishte arratisur në Shqipëri pas vrasjes. Sipas gazetës greke, i akuzuari pritet që të transferohet në Gjykatat e Selanikut, ku prokurori do të ratifikojë urdhrin e arrestit ndaj tij dhe më pas do të dalë para hetuesve.
I riu u dorëzua nga policia në stacionin kufitar të Krystallopigisë, ku u prit nga policia greke, i shoqëruar nga inspektori i përgjithshëm i policisë greke të Greqisë, gjenerallejtënant Konstantinos Skoumas.
Ai do të përballet me drejtësinë teksa pritet të tregojë më shumë për të përfshirët e tjerë në vrasje. Dje 20-vjeçari në dëshminë tregoi të vërtetën sesi skuadra e vdekjes veproi ndaj 19-vjeçarit Alkis dhe dy shokëve të tij.
“Më vjen keq që u largova. Dua të kthehem dhe të gjykohem për të thënë të gjithë të vërtetën për atë që ndodhi në të vërtetë atë natë. Më vjen shumë keq për djalin”, tha i riu.
