Gjendet një shqiptar i vd ekur në Belgjikë, policia: Trupi i pajetë ishte në fund të shkallëve

Një tjetër shqiptar ka vdekur në Belgjikë. Sipas mediave, bëhet me dije se shqiptari ka humbur jetën në rrethana shumë të dyshimta.

Ai është gjetur i pajetë në një bllok apartamentesh rreth orës 5 të mëngjesit të djeshëm.  Shërbimi i urgjencës kanë gjetur trupin e 38-vjeçarit në fund të një shkalle.

Fqinjët kanë bërë me dije për policinë belge se kanë dëgjuar një zhurmë rreth orës 4:30 të mëngjesit dhe në momentin që shkuan për të parë çfarë kishte ndodhur kishin gjetur trupin e shqiptar në fund të shkallëve.

“Burri kishte lëndime në pjesën e pasme të kokës”, tha prokurori Tom Janssens. Ekspertët  po ekzaminojnë skenën e krimit.

“Ne e konsiderojmë këtë, një vdekje të dyshimtë dhe jemi në pritje të rezultateve të para të hetimit” tha njëri prej tyre.

Pak ditë më parë, në Belgjikë, u vra në një atentat 39-vjeçari shqiptar, Bledar Muça, krahu i djathtë i fisit Çapja në Elbasan.