Filloi pushtimi? Putin urdhëron trupat ruse të hyjnë në Lindje të Ukrainës

Një lajm i fundit vjen nga Rusia! Kremlini ka publikuar sonte dekretet që urdhërojnë Ministrinë ruse të Mbrojtjes të vendosë trupa për të kryer “funksione paqeruajtëse” në dy territore separatiste të mbështetura nga Rusia.

Dekretet u publikuan menjëherë pasi Presidenti Vladimir V. Putin, duke iu drejtuar kombit të tij, njoftoi se kishte vendosur të njihte separatistët e mbështetur nga Rusia në të ashtuquajturat Republika Popullore të Donetsk dhe Luhansk.

Por ende nuk është e qartë nëse trupat ruse do të qëndrojnë vetëm në territorin e kontrolluar nga republikat separatiste, apo nëse do të kërkojnë të futen edhe në pjesën tjetër të dy rajoneve të Ukrainës, territorin e të cilëve ata pretendojnë.