Fermerët dhe blegtorët e fshatrave të Lushnjes, Fierit, Beratit e Gramshit, etj do të mblidhen ditën e sotme në orën 11:00 në Urën e Kuçit për të protestuar. Skema kombëtare e subvencionimeve i ka lënë ata të pakënaqur, e madje duke i përjashtuar të “vegjlit” nga përfitimi.
Paralelisht me mungesën e fondeve nga shteti, ata thonë se është rritur kostoja e prodhimit për shkak të çmimit të imputeve, ushqimit të bagëtive, si dhe çmimi i naftës. Fermerët kërkojnë që skemat e subvencionimit t’i përfshijë të gjithë dhe qeveria të rregullojë tregun e çmimeve sipas shitjes së produkteve të tyre dhe të ardhurave vjetore.
NJOFTIMI
Blegtorët dhe fermerët e serave njoftohen se, për arsye të pastra EKONOMIKE:
1- Subvensionet diskriminuese
2- Çmimet e plehrave dhe inputeve bujqësore të rritura 3-fish.
3- Çmimi i Naftës
Kanë sjell si rezultat pamundësinë tonë për të punuar në fermat tona , veshi i shurdhër i Ministrisë së Bujqësisë dhe Zhvillimit Rural na detyron të jemi në rrugë të madhe .
Sot, ora 11:00 tek Ura e Kucit, Rruga Nacionale Lushnje -Berat.
