Kryetarja e Lëvizjes Socialiste për Integrim Monika Kryemadhi u shpreh gjatë një deklarate për mediat se forca e saj poolitike nuk kandidon në zgjedhjet e pjesshme lokale të 6 Marsit.
Ajo i bëri thirrje të gjithë mbështetësve të LSI dhe suportuesve që të votojnë për kandidatët më të mirë në këto zgjedhje, pasi sipas saj kanë të bëjnë me jetën e tyre dhe jo me jetën politike.
“LSI nuk kandidon i ka krijuar një teknikalitet të rithemelimit. Skema e primareve duhet vlerësuar nga të gjitha partitë politike. LSI nuk është pjesë e kësaj, do u bëjmë thirrje të gjithë mbështetësve e suportuesve që të votojnë kandidatët më të mirë.
Janë zgjedhje lokale dhe kanë të bëjnë me jetën e tyre, jo me jetën politike. Premtim Kryemadhin nuk e kam takuar ndonjëherë por nëse është nga Dibra është fisi im. Qenka treguar burrë me mend, që ka thënë se është nga fisi im. Dibranët shquhen për nuhatje, edhe për zgjedhjen e duhur”, tha Kryemadhi.
