“Është mbreti i mafias shqiptare” Dubai refuzoi ta ekstradonte, ja çfarë shkruajnë mediat belge për Eldi Dizdarin

Mosekstradimi nga Dubai i Denis Matoshit, i njohur ndryshe si Eldi Dizdari, i arrestuar si pjesë e trafikut ndërkombëtar të kokainës, ka marrë një vëmendje të madhe nga mediat belge.

Gjykata e Emirateve të Bashkuara Arabe vendosi që të mos ta ekstradojë atë drejt Italisë.

Mediat belge i kanë kushtuar rëndësi rastit të Dizdarit, pas arrestimit në Dubai të kontrabandistit të madh të grupit të kokainës Mechelen, Farhan Bouzambou.

“Emiratet refuzuan gjithashtu të ekstradojnë bosët e mëdhenj të drogës si bosi i Camorra Rafaele Imperiale dhe mbreti i mafias shqiptare, Denis Matoshi në Itali”, shkruan De Standaard.

Mediat belge e konsiderojnë Dubain si shtëpinë e kriminelëve, ku mund të lëvizin të lirë dhe pa u ekstraduar në vendet ku kanë kryer krimet e tyre.