Moderatori i njohur Arian Çani ka deklaruar se kryetari i Partisë Demokratike Lulzim Basha nuk lejohet ende që të shkojë në Shtetet e Bashkuara të Amerikës.

Sipas tij, axhenda e Bashës kontrollohet nga kryeministri Edi Rama.

Pjesë nga intervista në MCN Tv:

Gazetarja: Rama do takohet me Blinken, por a duhet që ti kishte ardhur Bashës kjo ftesë duke ditur që ai është i preferuari i ametikanëve? Mund ta quajmë një lloj tradhtie?

Çani: Jo absolutisht. Unë nuk e di pse Rama nuk ka shkuar deri tani në Amerikë për takime të rëndësishme. Pastaj Lulzim Bashën nuk dua ta gjykoj, ai i ka hyrë detit me këmbë, por po të dëgjosh njerëzit që e njohin nga afër thonë që Bashës nuk i është hequr ajo për të ikur në Amerikë. Akoma se lejojnë. Por unë mund të them dhe nëse ia kanë hequr, axhendën e Lulzim Bashës ia përcakton Rama.