Presideti i Francës Emmanuel Macron kishte njoftuar për sot se do të kishte një takim mes homologut rus Vladimir Putin dhe atij amerikan Joe Biden.
Në fokus të mbledhjes do të ishte kriza në Ukrainë.
Por tani Kremlini, në një shënim, zbut entuziazmin: “E parakohshme” të flitet për një samit midis presidentit rus dhe homologu amerikan.
“Nuk ka plane konkrete”, “Putini dhe presidenti amerikan Biden mund të vendosin të diskutojnë për Ukrainën në çdo kohë. Një telefonatë ose ballë për ballë mund të bëhet në çdo kohë”, thuhet në shënimin e Kremlinit, ku shton se “Nuk ka ende një plan konkret” në këtë kuptim.
Një deklaratë që çmonton njoftimin e presidentit francez se Putin dhe Biden kanë “pranuar parimin” e takimit në një samit, të propozuar nga vetë Macron, i cili “mund të mbahet vetëm nëse Rusia nuk pushton Ukrainën”.
Ky samit do të shtrihet më pas për “të gjitha palët e interesuara” dhe do të fokusohet në “sigurinë dhe stabilitetin strategjik në Evropë”, saktësoi Eliseo.
Një konfrontim mes Sekretarit të Shtetit të Shteteve të Bashkuara, Antony Blinken, dhe ministrit të Jashtëm rus, Sergei Lavrov, është paralajmëruar edhe më 24 shkurt në pritje të takimit kokë më kokë mes dy presidentëve.
Ndërkohë, Putin do të thërrasë një mbledhje të madhe të Këshillit të Sigurimit të Federatës Ruse për sot më 21 shkurt. Këtë e ka bërë të ditur zëdhënësi i Kremlinit, Dmitry Peskov, në një konferencë, duke shtuar se Putin do të mbajë një fjalim gjatë asamblesë. Peskov tha gjithashtu se presidenti rus do të ketë disa biseda telefonike ndërkombëtare gjatë ditës.
