Shoqata e Transportit Qytetas i ka dërguar një peticion kryeministrit Edi Rama, kryetarit të Bashkisë së Tiranës Erion Veliaj, zv.kryeministrit Arben Ahmetaj, ministres së Financave Delinda Ibrahimaj dhe ministres së Energjitikës dhe Infrastrukturës Belinda Balluku.
Ky institucion ka paralajmëruar se nëse nuk u plotësohen disa kërkesa, do të ndërpresin shërbimin më 1 mars.
Kërkesat që ata kanë janë:
Rimbursimi i TVSH në shitje
Heqja e akcizës 37 lekë/ litër
Heqja e taksës së qarkullimit për subjektet e licencuara
Rimbursimi nga ministritë e linjës lidhur me kategoritë (tetraplegjikë, paraplegjik, invalid pune, të verbët dhe studentët).
Nëse këto kërkesa që kanë parashtruar nuk plotësohen, pritet që ata duke nisur nga muaji i ardhshëm të ndërpresin shërbimin e tyre.
