Dje u transferua në burgun e Fierit për të vuajtur dënimin, ish-ministri Tahiri karantinohet për 14 ditë 

Ish-ministri i Brendshëm Saimir Tahiri, i dënuar me 3.4 vite burg do të duhet të qendrojë për 14 ditë i karantinuar në burgun e Fierit.

Ai u transferua dje atje, por për shkak të rregullave të reja të vendosura prej pandemisë do të duhet të kalojë 14 ditë në karantinë para se të dërgohet në qeli, si masë paraprake për të mbrojtur të burgosurit e tjerë nga ndonjë infektim i mundshëm.

Rregulli i ri është që çdokush i cili do të futet në burg gjatë kësaj periudhe, duhet që të qendrojë 10 ditë deri në 2 javë i karantinuar në një ambient të institucionit para se të kalojë në qeli.
Tahiri është në gjendje të mirë shendetësorë dhe nuk ka probleme, megjitatë do t’i duhet të qendrojë në një dhomë pa të burgosur të tjerë për 14 ditë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern