Deputeti ukrainas “joshet” nga kalla shnikovi: Dua të luftoj

Një intervistë e pazakontë por në vetvete e jashtëzakonshme është dhënë në një emision  nga deputeti ukrainas Sviatoslav Yurash, i cili, ka thënë se nuk ia heq sytë kallashnikovit AK-47 që ka në shtëpi, pasi do të luftojë për vendin e tij kundër rusëve.

“Ky është një pushtim në shkallë të plotë”, u shpreh Yurash. “Rusia po përpiqet të shkatërrojë Ukrainën si dhe të rrëzojë Qeverinë”.

Sakaq, për njerëzit që duan të ndihmojnë, ai ravijëzoi thirrjen e presidentit, Volodymyr Zelensky, se gjithkujt do t’i jepet një armë për të mbrojtur vendin në qoftë se e kërkon.
“Ne po armatosim personat, që duan të marrin pjesë në luftë, në çdo mënyrë. Jemi një komb me 40 milionë banorë dhe nuk do të lejojmë Rusinë të kalojë kaq lehtë para syve tanë. Do të luftojmë me gjithçka që kemi dhe me gjithçka bota na jep”.

Kështu e mbyll ai apelin për situatën e fundit të krijuar në Ukrainë.