Shoferi i një autobusi pasagjerësh është arrestuar nga Policia në Durrës pasi drejtonte mjetin në gjendje të dehur. Rrugorët janë njoftuar nga qytetarët se një autobus po kryente manovra të rrezikshme në rrugën Shkozet –Shijak, dhe menjëherë kanë bërë të mundur bllokimin e tij.
Pas kryerjes së alkooltestit rezultoi se drejtusi shtetasi me iniciale B.V., 57 vjeç, banues në fshatin Erzen të Shijakut, drejtonte autobusin në gjendje të dehur në masën 1.48 mg për litër.
Në përfundim të veprimeve u bë i mundur arrestimi në flagrancë i tij për veprën penale “Drejtimit te mjetit në mënyrë të parregullt” (në gjendje të dehur), dhe materialet hetimore i kaluan Prokurorisë, së Rrethit Gjyqësor Durrës për veprime të mëtejshme.
Shoferi u ndëshkua me masën administrative me 90.000 lekë të rinj dhe me 16 muaj pezullim të Lejes së Drejtimit.
