“Basha, i infiltruar në PD”, Meta: Miratimi i Reformës është merita ime

Presidenti Ilir Meta thotë se Lulzim Basha, është ndihmësi i kryeministrit Rama në kapjen e sistemit të drejtësisë.

Meta tha në emisionin “Të Paekspozuarit” se është merita e tij që Reforma në Drejtësi u miratua me 140 vota pro.

“Lulzimi faqen ndërron, dje mallkonte, sot lavdëron. Zoti Basha në bindjen time të plotë është ndihmësi më i vetëdijshëm i Edi Ramës në kapjen e sistemit të drejtësisë, jo vetëm në të kaluarën, por edhe sot kur roli i tij doli që është një i infiltruar në PD. Ai ka bojkotuar kur duhet të votonte Reformën në Drejtësi dhe i dha mundësinë Edi Ramës të kapte këtë Reformë.

Tani që doli se është ndihmësi i Edi Ramës, është i detyruar të bëjë gjëra të tilla qesharake. Këtu kemi të bëjmë me një politikan jo vetëm jokoherent, por edhe absurd në qëndrimet e tij. Është merita ime miratimi i Reformës në Drejtësi me 140 vota”, tha Meta.