Si pasojë e përmbysjes së një autobusi turistik në Konya të Turqisë kanë humbur jetën 5 persona dhe kanë mbetur të plagosur 26 persona.
Një autobus turistik u përmbys në kilometrin e 50-të të autostradës Konya-Aksaray. Pas njoftimit, në vendin e ngjarjes janë nisur shumë ekipe policie dhe të Emergjencave 112.
Sipas raportimeve të para, në aksident kanë humbur jetën 5 persona ndërsa janë lënduar 26 të tjerë. Të plagosurit raportohet se janë dërguar në spital me autoambulanca.
Policia turke tanimë ka nisur hetimet rreth aksidentit që shkaktoi viktima ndërsa autobusi dyshohet se ka rrëshqitur shkaku i ngricave.
