Aksident te Kthesa e Kamzës, makina përplas këmbësoren. 59-vjeçarja përfundon në spital

Një aksident është regjistruar këtë të mërkurë në Kthesën e Kamzës. Burime zyrtare nga policia bëjnë me dije se mjeti me drejtues shtetasin me inicialet G. I., ka aksidentuar këmbësoren, shtetasen me iniciale L. A., 59 vjeçe.

Si pasojë e aksidentit shtetasja me iniciale L. A., është dëmtuar dhe ndodhet në spital, nën kujdesin e mjekëve.
Grupi hetimor ndodhet në vendin e ngjarjes dhe po punon për sqarimin e rrethanave të aksidentit.