LIGJET E BIZNESIT
Kryetarja e Lëvizjes Socialiste për Integrim, Monika Kryemadhi, ka treguar se nuk ka pasur negociata me ish-kryeministrin Sali Berishën, për zgjedhjet e 6 marsit.
Ajo tha në një intervistë në “News 24”, se me Berishën ka diskutuar me presidenti Ilir Meta. Ndërsa edhe njëherë ritheksoi se në postin e tij si kryetar shtetit, Meta ishte në një “burg politik”.
“Unë zotin Berisha që kur e kam takuar në parlament nuk e kam takuar më. LSI s’ka pasur negociata me zotin Berisha. Berisha është motori i themelimit të PD, por ai drejton edhe gjysmën e grupit parlamentar të PD që i shkarkoi Basha. Meta është më shumë se LSI. Meta është në një burg politik dhe për aq kohë sa do të jetë aty, por nga ana tjetër Meta është përtej LSI. Ne në fakt themi populli i 2 marsit, por ai popull ishin qytetarë të Edi Ramës, sepse në atë kohë iu bllokua transporti. Këtë e di shumë mirë dhe Basha. E theksoj që Monikën e gjykojnë për mendimet e saj të sinqerta dhe naive.
Por Meta është përtej LSI dhe opozitës. E them këtë sepse te Meta e gjejnë veten shumë socialist, shumë të LSI shumë të PD. Si do e strukturojë zoti Meta rikthimin në politikë, do të jetë një dalje që se kemi parë deri më tani”, tha Kryemadhi.
Ndërkohë që Kryemadhi shtoi se nënvizoi se Meta mezi pret të dalë nga Presidenca e të kthehet në LSI, duke rithekuar se ajo e ka përfunduar misionin e saj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“A mezi po e pret LSI Ilir Metën? Po. A do Meta të dalë nga Presidenca? Po, mezi po pret me dalë. Meta flet pa dorashka dhe nuk ka kompleksin për të folur para të gjithë televizioneve, gazetarëve, është i hapur,”-shtoi në fjalën e saj Kryemadhi.
