A do te jenë 5 banorë në finalen e 18 shkurtit? Ja çfarë vendimi mori “Big Brother”

Moderatorja Einxhel Shkira propozoi mbrëmë në “Big Brother VIP” që në finalen e madhe të 18 shkurtit të ishin 5 lojtarë, dhe jo 4 siç është vendosur deri më tani.

Ajo dha idenë që një shumë prej 15 mijë eurosh prej çmimit të madh 115 mijë euro ti jepej finalistit të 5-të.

Banorët e diskutuan me njëri-tjetrin pas spektaklit ku të gjithë ranë dakord që ky propozim të merrej në konsideratë nga “Vëllai i madh”. Gjatë ditës së sotme atyre u ka mbërritur zarfi i bardhë në të cilin shkruhej se vendimi nuk do të ndryshonte dhe me 18 shkurt do të jenë vetëm 4 finalistë.

“Banorë, vendimi për katër finalistë mbetët i pandryshuar. Ju rikujtojmë se vijon të jetë një televotim për dy finalistët e tjerë”, thuhej në vendim.