Kreu i PD, Lulzim Basha ndodhet në “Sheshin Skënderbej” për të firmosur peticionin e Dekomunistizimit, një nismë kjo e iniciuar nga Instituti për Demokraci për Media e Kulturë dhe Fondacioni “Konrad Adenauer”.
Ky peticion firmoset sot, 20 shkurt që përkon me 31 vjetorin e rrëzimit të bustit të diktatorit Enver Hoxhës. Ky peticion më pas do t’i dorëzohet më pas Kuvendit të Shqipërisë.
“Regjimi komunist në Shqipëri ushtroi dhunë të egër, të vazhdueshme, në dëm të jetës dhe lirisë së qytetarëve shqiptarë. Mbi 6.000 persona u ekzekutuan, u vranë ose vdiqën në burgje. Rreth 35.000 burra e gra u burgosën, dhjetëra mijëra të tjerë u dëbuan dhe internuan. Trupat e të ekzekutuarve, të vrarëve ose të vdekurve në burg nuk iu kthyen kurrë familjeve, por u varrosën në vende të paidentifikuara: një pjesë e mirë e tyre nuk janë gjetur ende! Ne shprehim respektin më të thellë për secilën viktimë të regjimit komunist shqiptar dhe ndihemi në faj që edhe sot, pas 31 vjetësh, kjo tragjedi nuk është zbardhur siç duhet dhe dhunimi masiv i të drejtave të njeriut nuk është dënuar”, thuhet ne peticion.
“Është kënaqësi që ndodhem këtu. Dhe me qytetarët. Shumicën morale e cila e konsideron këtë ditë një ditë të veçantë, ditën kur u ngritën bashkë dhe rrëzuam statujën e Enver Hoxhës. Ajo që kemi arritur është e pjesshme dhe sot pa atë të nënshkruaj peticionin dua të ndajë tre mesazhe.
Së pari kjo ditë e veçante i takon shqiptarëve dhe është një ditë e kremtimi të rrëzimit të statujës nuk duhet të harrojmë të themi gëzuar këtë ditë. Si ditën e largimit të hijes së rëndë.
Përveç përshëndetjes një falënderim për të gjithë protagonistët që e frymëzojnë këtë akt. Mbi 6 mijë të ekzekutuar nga regjimi komunist dhe dhjetra mijra të tjerë të dergjur. Regjim që u fut brenda familjeve shqiptare dhe shkuli ato me rrënjë në emër të kultit të individit” tha Basha ndër të tjera.
