Ditën e sotme selia e Partisë Demokratike u shndërrua në një arenë dhune e përplasjeje pasi mbështetësit e ish-kryeministrit Sali Berisha sulmuan ambientet e godinës.
Që në orët e para të paradites së sotme në selinë blu filluan të mblidheshin mbështetës e protestues, por turma më e madhe ishte ajo që erdhi bashkë me ish-kryeministrin Berisha.
Në një video të siguruar nga “BalkanWeb” shikohet ish-kryeministri i cili me anë të duarve u bën shenjë të gjithë protestuesve të mësyjnë drejt selisë blu.
Ndërkohë dhunën në protestën e sotme e kanë dënuar përfaqësues të lartë të Bashkimit Europian, ambasada e SHBA dhe vetë në një konferencë për shtyp kryedemokrati Basha i cili theksoi se sot PD është ndarë përfundimisht nga e kaluara, Sali Berisha.
