“Vendim i padrejtë” Tre doza vaksine për të hyrë në Kosovë, qytetarët protestojnë të irrituar

Dhjetra qytetarë  kanë protestuar sot në pikën kufitare të Morinës në Kukës kundër vendimit të qeverisë së Kosovës se për të kaluar në këtë shtet është e domosdoshme doza e tretë e vaksinës.

Ata shprehen se ky vendim është i padrejtë dhe nëpërmjet tij ju cënohet lëvizja për qëllime pune, shëndetësore apo familjare.

Ndërkohë organizatori i protestës thotë se me dy doza vaksine janë të lirë të udhëtojnë kudo, ndërsa mes kufrit Shqipëri-Kosovë kërkohet një e tretë, gjë e cila nuk duhet të ekzistojë.

Të shtunën qeveria e Kosovës mori një vendim ku thuhet se çdo person i cili hyn në territorin e Kosovës duhet të posedojnë certifikatën e tri dozave të vaksinave kundër coronavirusit ndërsa për të gjithë ata të cilët kanë vetëm dy doza të vaksinës duhet të posedojnë edhe testin RT-PCR të bërë 48 orë para mbërritjes në pikën kufitare.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern